السياح الغلابة

كلمتين في الجون

السياح يا عيني هما الغلابة مش المصريين. السايحات الأجنبيات اشتكوا كتير من تحرشات المراهقين المصريين بيهم. واحدة بتقول تلاقي الواد عنده 13 سنة جيه واتكلم معاها. تتكلم معاه هي في مودة. وفجأة يقوم لامس صدرها مثلا أو مؤخرتها!. وده إن دل فبيدل على إن المصريين مبيعرفوش يعاملوا السايحات كويس (بغض النظر على إنهم سايحات فعلا أو محترمات!). وكتير لما المرشد السياحي (المصري) ينصح الفوج إلي نازل معاه منطقة أثرية معينة ميكلمش مصريين! الراجل مش عايز مشاكل برضه.
ومعروف إن التجار ف خان الخليلي بالذات وغيرها من الأماكن إللي بتبيع للأجانب ف المقام الأول بيبالغوا جامد ف أسعار الأنتيكات والذهب بالذات مع الزباين السياح. لذلك السائح الأجنبي معندهوش ثقة ف البياع المصري وبيخاف..وأنا كمان بخاف!.
وكانت ليا تجربة شخصية مؤخرا مع السياح الغلابة تتلخص في إني كنت ف المنتزه ف إسكندرية مع اتنين صحابي. والاتنين دول طول ما هما ماشيين بيعاكسوا ف السايحات بصوت عالي جنبهم كإنهم متأكدين إن السايحات مش فاهمين عربي. وبيعاكسوا حتى ف الرجالة بهاي وأخواتها. وأنا ف نص هدومي: يا جماعة عيب. بوظتوا السياحة منكم لله.
ولا حياة لمن تنادي.

أحمد منتصر
في
شعبان 1428

يا احمد اللى انت بتقوله ده معروف من زمان ..

بعيدا عن كده
انت لوجيت تبص على الشبابا ( اللى من سن 13 وانت طالع) تلاقى دامغهم فاضيه من اى حاجه ..
اى حاجه وكل حاجه !
مش عايزهم يعاكسو بنات تقفيل بره lol!

يا اخى والله انت بتحلم !

عموما
تجربتى الشخصيه كانت مع سائح كورى ايمه . مونجو تقريبا !
اتعرفت عليه فى القلعه فى القاهره وكنا قاعدين على الارض فى مسجد محمد على قعده انس وفرفشه ومحصلش حاجه..
انا فاكر انى اخدت منه رقم تليفونه بس ضاع منى واحنا راجعين lol!

هى الغالبيه اه بيعاملوا السائحات على انهم سحالى لابد من معاكستهن

بس برضه
هتلاقى الناس اللى مش فى دماغها كده بقدر اهتمامهم باختبار لغاتهم مع الناس دى !

يا جامد يا نيشو كلامك 100 100 Evil or Very Mad

.

وبانتظار بقية الآراء.

king